طبعاً اشتريت سيكيرو بدون سبب (كنت أحاول أنتظر ينزل سعرها شوي لكن ما قدرت واشتريتها 😅).
ضيعت عدة ساعات من حياتي على السيدة الفراشة ويوم ظنيت أني قتلتها طلع فيه phase 2.. تبا للمازوخية اللي خلتني أحب مثل هالألعاب 😶، طبعا قتلتها وبعدين اكتشفت أني مو لازم أقتلها أصلا وأنها boss جانبي 😑 السبب الوحيد اللي خلاني أقاتلها هو أني كنت مضيع كعادتي في مثل هالألعاب، وفي النهاية بعد بحث بسيط اكتشفت أن فيه منحدر ما لاحظته يوصلك للمنطقة التالية.
طبعا هناك قاتلت اللي يحمي القلعة مع حصانه، بعد ما قتلته رحت للثور اللي طولت معه وما هزمته إلا بالغش (أول بوس أبحث عن قتاله بالنت) ومدري ليه كان عقلي الباطني رافض فكرة أني أسوي Deflection لثور لكن لما عرفت أن هذا هو الحل هزمته بسرعة.
صباح الجمعة بعد بث سعيد قتلت الميني بوسز اللي بعد الثور، الأول كان شينوبي بيد واحدة والثاني كان اسمه سيد الرماح السبعة أو شيء كذا (والصراحة مدري هو بوس ولا ميني بوس).
وحدة من المشاكل اللي واجهتها في اللعبة أني مو قادر أفرق بين الـ Boss والـ mini Boss 😅.
طبعا قتلت كل الـmini Bosses اللي شفتهم إلى الآن ما عدا headless ناوي أرجع له بعدين. حالياً بروح لأعماق أشينا والله يستر، الصراحة مدري إذا هذا الطريق الصح ولا منطقة جانبية لكن هذا اللي لقيته.

من الأشياء الطريفة أني طحت على جرس الشيطان في اللعبة ودقيته وما زلت جالس ألعب مع السيد شيطان لأنهم يقولون أنه يحسن اللوت، أنصح اللي ما جربه يجربه 😂 موجود في منطقة الـ Headless الأول.
وتقدر تستخدمه كعذر لو قال لك أحد ليه تقدمك بطيء في اللعبة أو جلس يهايط عليك بأنه أحسن منك 🤣.

وبس، تعليق اليوم برعاية سيكيرو 🙃.