ثانياً: ودي أتكلم شوي عن موضوع الأجندات.

أنا بشكل عام أشوف أن أي شي يضاف للقصة وما له أثر إيجابي ولا سلبي، فهو بالنهاية سلبي؛ لأني أعتبره حشو، يعني لو تشيله ما أثر في القصة إيجابا أو سلبا.
وهذا الكلام ينطبق على الأجندات وغيرها.

ما عندي مشكلة في عرض هذي الأفكار إذا كانت موجودة في أساس القصة.
يعني زي قيم اوف ثرونز، علاقة جيمي وسيرسي، أدري هي علاقة مريضة هذي خالصين منها، لكن لها هدف أساسي في القصة. وعلى النقيض في نفس المسلسل، عرض المشاهد الجنسية ماله هدف ولو شلته ما زاد ولا نقص في القصة.

يمكن موضوع الشذوذ شوي مختلف خاصة أن الأعمال مؤخراً صارت تبني الشخصية على محورية الميول الجنسي. يعني أكثر شي يميز الشخصية هو ميولها الجنسي. وهذا الشي برأيي يخلي الشخصية ركيكة وسطحية. وهذا اللي خايف منه في ذا لاست أوف أس 2.

أنتم وش رايكم في الموضوع
تتفقون؟ أو عندكم رأي آخر؟