نير أوتوماتا، بتكلم أكثر عن سلبياتها. هذا ما يعني أنها لعبة سيئة بالنسبة لي، بالعكس تماماً أنا أعطيها ثاني أفضل لعبة في 2017 (طبعاً بعد أسطورة الأساطير هولونايت).

بسم الله نبدأ،

1- النهاية B بالنسبة لي أعتبرها الحلقة الأضعف في اللعبة. مو لأنها تكرار، لكن لأن اللعبة تعطيك قيم بلي جيد خلال النهاية A وبعدين ينزل مستوى القيم بلي في النهاية B مع الشخصية الثانية.

الخلاصة: اللي المفروض يصير هو أن اللعبة تتصاعد في القيم بلي بس هنا صار العكس.

2- الشخصية الثالثة ما حسيت فيها فرق كبير في القيم بلي عن الشخصية الأولى ما عدا كم حركة (بدون دخول في التفاصيل، Berserk mode شكله رهيب بس غير عملي).

3- طبعاً ما يحتاج أقول أن اللعبة ما فيها تحدي، يعني أقل الإيمان حط لي شي يحد التهييل. العدد مثلا أو مدة (Cool down) بين كل تهييل وثاني.

4- ما تحت التنورة🤦🏽‍♂️:

هذا الموضوع بالذات ما شفت أحد يناقشه بجدية. بالنسبة لي كان مزعج خاصة لما بدت الأحداث تصير درامية وعاطفية. يعني ما أقدر أتعاطف بشكل كامل مع شخصية لابسة لبس سخيف زي هذا.
يعني تخيل أن فيه واحد يقول لك قصة درامية وهو بس لابس بوكسر، أحس ما تقدر تاخذه بجدية.
والمشكلة ما لقيت أي تفسير في اللعبة بخصوص لبسهم هذي الملابس! (إذا عندكم تفسير شاركونا).

5- الأندرويد والمشين:

هذي النقطة يمكن تفضيل شخصي أكثر من كونها سلبية واللي هي أني ما قدرت أتعاطف مع شخصيات هم بالنهاية آلات، هذا الشي كان يطلعني من الجو. (همممم أتوقع عندي مشكلة في التعاطف 🤔).

وزي ما قلت في البداية، اللعبة جداً معجبتني وتظل إيجابياتها تطغى على سلبياتها، ومن أكثر التجارب المميزة هذا الجيل. أنا ما لعبت الأول فيمكن هذا الشي يخلي تجربة محمد مختلفة بشكل أكبر.

وسلامتكم.