بالنسبة للحلقة الماضية، أنا أختلف مع سعيد في أن Dragon Age Origins ما تنلعب. بالعكس أعتبر اللعبة مدخل ممتاز للي يبغى يتعلم نظام للكومبات اللي فيها، واللي هو أنك توقف اللعبة وتعطي أوامر للشخصيات.

على أيام بدايات PS4 اشتريت Dragon Age Inquisition وما عرفت لها لأني أول مرة ألعب بهذا النظام، لكن تقريبا قبل سنة اشتريت Origins على GOG. COM وكملت فيها يمكن 40 ساعة وتحمست ألعب السلسة كاملة. إن شاء الله برجع لها في وقت من الأوقات وأخلصها.

…….

خلصت Day’s gone والحقيقة أني دخلت جو معها خصوصاً لأني شايف مسلسل Sons of anarchy قبلها بفترة. أحس فريق التطوير كانوا يحاولون يعكسون ثقافة الـ Bikers لكن للأسف ما وفقوا فيها بالنسبة لشخص مو مطلع على ثقافتهم، والعالم ما بنوه صح، فيه أشياء ما شرحوها زين مثل: ليه كل الناس في العالم يستخدمون الدراجات النارية؟

بشكل عام لعبة جيدة لولا المشاكل التقنية والقصة مقبولة. لكن أكبر سلبية بالنسبة لي هي أني لعبتها بعد فترة طويلة من تاريخ إصدارها وللحين ما تصلحت بعض المشاكل في اللعبة، ويا رجل الفريمات اللي تنعدم لما تشغل النيترو شيء مو طبيعي. يمكن أداء اللعبة أفضل على الـ PS4 Pro؟