علي سماش يحيكم من جديد

اسف انقطعت عنكم الحلقة الماضية لظروف خارجة عن ارادتنا
المهم مشاركتي لهذا الاسبوع عن كم شغلة تناقشتو عنها الحلقتين الماضيتين

– عضو البودكاست فوكس .. قال انه يريد يبدأ اي سبورت في الامارات وبدأها بلعبة لول .. ياخي احنا كوميونيتي سماش جالسين بلا هدف والبطولات الخارجية محتلينها الغرب .. ابدأ بطولة عندنا ومستعد اكون منظم معاك .. وعادي امسك التعليق في القتال جان تبا .. المهم اشوف شعب يلعب سماش.

– فلم ورلدكرافت .. المستوحى من لعبة واو .. انا لعبت واو لين اكسبانشن الباندا وبعده وقفت .. والتشبيه الي اقدر اشبه به عالم اللعبة هو عالم لورد اوف ذا رينغس .. فاللي حب سلسلة لورد اكيد بيحب عالم واو .. بس احس القصة الحين شوي مب راكبة ( واحد من الألاينس يحب اورك من الهورد) يعني مب راكب الموضوع .. طبعا الي مب عارف الألاينس والهورد هم فريقين ضد بعض ومافي لغة مشتركة بينهم.. احس المخرج بيطلع من النص شوي.

– تجربتي للعبة ستار فوكس زيرو .. وصلت للمرحلة الثالثة والتحكم والتصويب صعبين .. لازم عندك مخ للتحكم بالمركبة ومخ ثاني للتحكم بالتصويب .. الفكرة حلوة بس التنفيذ مب ضابط .. شغلة ثانية يوم تسوي لوك كاميرا على عدو .. ما يسوي لوك للتصويب .. لازم تصوب يدويا بالموشن روتيشن في الباد .. مع الاسف اللعب صاير صعب .. الجرافكس عادي مب خارق بالنسبة للعبة سهل انك تبدع في الجرافكس فيها .. بكمل في اللعبة اكثر وبعطيكم رايي.

– احباط ان مافي شي عن ان اكس في اي ٣ بس زلدا تكفيني كتصبيرة .. ولا شو رايك مستر نينتندو؟

– لعبة قود اوف وور حلوة وانتظر جزء جديد لها .. خصوصا ان قصصها كانت شادتني وانتظر جديدهم

طولت عليكم

وشكرا على مجهودكم الطيب

ملاحظة: اذا بتسيرون معرض الرياض السنة القادمة خبروني عشان اكون معاكم ونقعد نتصور وحركات مشاهير هههههه

مساء النور والسرور ،،، علومكم أخباركم ،،،، طمنوني عن أحوالكم؟
ما بطول عليكم اليوم لأني مشارك في معرض الكتاب من الصبح لين الليل هذا الأسبوع
وشكله من نحاسة بعض الناس قال عطني حسابك في PSN بندردش وياك ومن ساعتها ما قدرت ألمس الجهاز
المهم حسابي موجود عند سعيد وخنبوش اتمنى منكم تضيفوني، وتخبروني شو جوكم هاليومين دارك سولز ولا ذا ديفيجن ولا كاندي كراش؟

المهم لنبدأ
———————————————————–

(نظارات الواقع الافتراضي)
كلاعب عادي بأخذه إذا توفر فيه كل أنواع الألعاب، ما عدى ألعاب الرعب No Way
يعني ألعاب السيارات بتكون فيها متعة مع مشهد بانوراما من داخل السيارة
ألعابFPS إذا لقوا آلية وتناسق بين حركة النظارة والسلاح
بالإضافة إلى الأتعاب الثانية، يعني لها مكتبة جاهزة من الألعاب
واهم شيء قلة الوصلات إللي فيه، بالكثير وصلة الكهرباء.
واذا كان يغني عن الجهاز الأصلي ولا يكون مجرد رفاهية إضافية.
بحيث يحتاج إلى تشغيله إلى الجهاز الأصلي، لأنه بسعره باخذ Xbox
ساعتها بفكر فيها بجدية.

غير هذا بعتبره رفاهية زيادة عن اللزوم، ولا شو رأيكم؟
———————————————————–

(The Last Guardian)
الوضع كالتالي الإشاعات تقول اللعبة سيتم تحديد موعد اصدراها خلال هذا العام
لذى سيتم تأجيل لعبة Horizon: Zero Dawn إلى 2017 ( YEP the winter is coming ) من نحاسة البعض الناس الثانيين.
المهم سؤالي مب هني، سؤالي لعبة The Last Guardian تعتبر من فئة أي الألعاب؟

———————————————————–

(Metro)
مرة سلطان تكلم عن اللعبة ومدحها في احدى الحلقات الماضية .
ولما رجعت للمتجر حصلت على اكثر من جزء أو إصدار.
فأي جزء هو الأفضل في السلسلة؟

———————————————————–

وفي الختام شكرا على سعة صدركم
وعلى تقبلكم للمواضيع اللي اطرحها،،،
وفالكم التوفيق والنجاح دائما

أخوكم ،،، مشعل الحمادي